LAOAG CITY – Awan ti papel ni Presidente Ferdinand Marcos Jr., ti panagpili ti baro a liderato ti kababaan a pagpandayan linteg iti kongreso.
Daytoy ti inbatad ni Presidential Communications Office Undersecretary ken Palace Press Officer Claire Castro iti press briefing iti Malakanyang kas sungbat iti saludsud no adda ti papel ti presidente ti panagbalbaliw ti liderato iti kongreso no sadinno a naipadamag a maipagarop a sukatan ni House Deputy Speaker Ronaldo Puno ni Isabela Rep. Faustino “Bojie” Dy III.
Nasaludsud pay ken ni Castro no adda ti impluwensiya ti presidente no siasinno ti mabalin da nga ikabil kas House Speaker, ket kunana nga awan ti kastoy a mapaspasamak.
Iti report, naglikudan ni Congressman Puno a sukatan na ni Rep. Dy kas agdama nga House Speaker.
Inpetteng ni Puno nga agtalinaed ti suporta na ken ni Speaker Dy ken ti panangidaulo na iti Kamara de representantes.
Maipalagip a naipatugaw laeng ni Dy idi Setyembre kas mangidaulo iti Kamara de representantes kalpasan a bimmaba ni Leyte Rep. Ferdinand Martin Romualdez kas dati nga House Speaker iti baet ti nabara nga isyu ti maanomalya a flood control projects ken insertions iti National Budget.
