LAOAG CITY –Inbatad ni Bise Mayor Maynard Francis Bumanglag nga ibilangna ti panagtultuloy a tudo kas benepesio kadagiti mannalon iti ili ti Pinili gapu pay laeng ti epekto ti Habagat.
Gapu iti daytoy, in-inot a makitkitana dagiti kataltalonan a mamulmulaan ti pagay iti nasao nga ili.
Segun kenkuana, arigna ket naladawen ti panagmula dagiti mannalon gapu iti kinakurang ti danom iti kallabes.
Kunana a nupay adda dagiti naladaw a nagmula gapu iti kinakurang danom ket saan met a naapektaran dagiti pagay dagiti nasapa a nagmula kadagiti napalabas a bagyo.
Kabayatanna, iti agdama, rinugiandan ti Fertilizer Distribution ken dadduma pay a pannakaipaat ti masapol dagiti mannalon.
Innayonna a silulukat latta ti opisinada no adda dagiti kanayonan a kiddaw dagiti mannalong para iti agtultuloy a pannakaipaay ti suporta kadagitoy.
