LAOAG CITY – Aminado ti City Tourism Office a dakkel ti pannakaapektar iti turismo ti panagwarang-warang dagiti badjao ditoy ciudad ti Laoag.
Daytoy ti inbatad ni Atty. Charito Malicad, ti Tourism Officer ditoy ciudad.
Inbatad na a karbengan dagiti badjao ti marespetar gapu ta pada metlaeng dagitoy a Pilipino ngem kasapulan a sumurot da iti pagalagadan.
Inpalgak na a gapu kadagiti agkaiwarang a badjao ket adda latta ti pannakaapektar iti impresyon dagiti turista partikular iti saan a pannaka-kontrol dagitoy ken ti saan a makita ti pannakapasayaat ti nasao a banag.
Innayon na nga adda iti umno a wagas iti panagturong da kadagiti nagduduma a paset ti ciudad.
Mainaig iti daytoy, kuna ni Malicad a kanayun a nakasagana ti City Social Welfare and Development a mapan makisarita kadagiti badjao tapno agawid dan iti naggapwan da a lugar no sadinno a maipaayan da ti pagplete da babaen iti nasao nga opisina.
