LAOAG CITY – Nakababain para ken ni Akbayan Party-list Rep. Perci Cendaña ti desision ti Senado nga i-archive ti impeachment complaint kontra ken ni Vice President Sara Duterte.
Inpetteng ni Cendaña a daytoy nga addang ti Senado ket panangkontra iti Konstitusion ken panangkontra iti panawagan dagiti umili.
Inbatadna a nagbalin daytoyen a Duterte Senate kalpasan nga insuko ti panagwaywayas ken ti naikeddeng iti linteg.
Inpaganetget ni Cendaña nga iti saan a panangsango ti Senado iti responsibilidadda ket nagserbi daytoy iti panangkanunong ken panangprotektar kadagiti krimen ti Bise Presidente kangrunaanna ti ₱612 Million a confidential funds ken ti panangabuso iti linteg.
