LAOAG CITY – Inlungalong ni Senate President Tito Sotto III ti panang-reorganisar iti uneg ti Department of Public Works and Highways (DPWH).
Iti Senate Bill 1835 nga inlungalong ni Sotto, gagem daytoy nga i-rationalize ti bileg ken responsibilidad ti central, regional ken district offices ti Department of Public Works and Highways tapno papigsaen ti transparency, efficiency ken accountability nga idauluan ti public infrastructure.
Iti babaen ti gakat, matingiting ti mandato, bileg, organizational structure ken operational framework ti ahensia pakairamanan ti responsibilidad dagiti undersecretaries ken assistant secretaries.
Inpaganetget ni Sotto a napateg a maarisit ti organisasion ti ahensia tapno maammoan no adda ti mapaspasamak a korapsion.
Inpasingkedna nga iti babaen ti rationalization iti Department of Public Works and Highways ket saanen a mapasamak pay ti anomalya iti ahensia.
