LAOAG CITY – Agtultuloy ti maisaysayangkat a panangbiruk iti helikopter a nagluganan da Iranian President Ebrahim Raisi ken Iranian Foreign Minister Hossein Amir-Abdollahian kalpasan a naipadamag a nagsuek daytoy.
Agturong ti Presidente idiay Tabriz City iti northwest Iran kalpasan a naggapu daytoy iti pananglukat ti dam iti border-da ti Azerbaijan.
Rumrummuar a nagsuek ti nasao nga helikopter iti kabambantayan a paset ti Iran ken daytoy ket gubuay iti dakes a panawen.
Adda ti nasurok 40 a rescuers nga adda iti lugar ngem marigatanda gapu iti agdama a sasaaden ti panawen.
Gutgutiguten ni Iranian Supreme Leader Ayatollah Ali Khamenei dagiti umili nga agkararag ken saan a madanagan gapu ta awan ti makitkitada a panangbalbaliw iti panagpataray iti gobierno.
Timmulong metten ti European Union iti babaen ti panag-activate-da ti rapid response mapping service-da wenno am-ammo kas Copernicus tapno matulungan a masapulan ti nagsuek nga helikopter.
