LAOAG CITY – Inpasigurado ni Department of Public Works and Highways (DPWH) a dagiti agbalin a baro a flood control projects a maisayangkat iti babaen ti departamento na ket dumalan iti close monitoring ken siguradwen a sumurot iti umiso a proseso ken plano.
Segun ken ni Department of Public Works and Highways Sec. Vince Dizon, no agaramid manen ti baro a plano para kadagiti flood control projects, inpasigrado na a dgitoy ket mabantayan ken usto ti pannakaaramid da.
Inpakaammo ni Dizon a karaman kadagiti lugar a pakaestablisaran kadagiti proyekto ket iti probinsya ti Iligan gapu iti napasaran da a nakaro a layos nga intunda ti Bagyo Basyang a nakatayan ti lima a tattao.
Malaksid iti daytoy, nagkari pay ni Dizon nga usaren daytoy a gundaway a ti usto a panagplano para iti 2027 ket marugyanen ti panangbukel kadagiti proyekto ken istruktura a kasapulan ti umili kangrunaan na kadagiti flood prone areas.
Kabayatanna, basar iti monitoring ti opisina na, malaksid iti Iligan ket agkasapulan pay kadagiti flood control projects dagiti probinsya ti Cagayan de Oro, Cotabato ken Maguindanao nga agpapada nga ado ti naberipikr a flood prone areas.
Maipalagip a ti napirmaan a proposed 2026 budget ni Presidente Ferdinand Marcos Jr. ket adda ti P2.49 bilyon a pisos a nakalatang para iti maintenance ken operating expenses dagiti existing flood control and drainage systems.
