LAOAG CITY – Kinumpirmaran ti Department of Justice (DOJ) ti pannakaarestar ti agasawa a nanggandat nga iyareglo ti sumagmamano a kabagian dagiti mapukpukaw a mammallot.
Mainaig iti daytoy, manarimaan ti panangimbestigar ti ahensia no asino dagiti dadduma pay nga aggandat nga agpasuksok kadagiti kabagian dagiti biktima.
Inbatad ni Department of Justice Assistant Secretary Eliseo Cruz nga adda dagiti mangal-allukoy kadagiti dadduma pay a kabagian nga ibabawi ti inpilada a reklamo iti ahensia.
Inlawlawag ti Department of Justice a maysa kadagiti nagan ti negosiante ken gaming tycoon a ni Charlie “Atong” Ang iti kalikagum a maikkat basar iti nailanad iti recantation.
Kabayatanna, inbutaktak met ni Cruz a datin nga im-imbesigaranen nga adda ti maysa a kameng ti media a maipagarup a nakibiang ken padpadasenna nga iyareglo dagiti pamilia dagiti mapukpukaw a mammallot.
Naammoan nga adda ti maysa ket kagudua a milyon a pisos ti maipagarup a gatad ti ibaybayad kadagiti kabagian kasukat ti panangsanud iti reklamo.
Sumango iti agsusukot a kaso nga obstruction of justice, perjury ken grave coercion ti agasawa a naarestar.
