LAOAG CITY – Ipaspasigurado ni Senate President pro-tempore Ping Lacson a mangikabil ti probision kontra kadagiti panangabuso ken panag-epal dagiti pulitiko kadagiti ayuda programs iti babaen ti 2026 national budget.
Daytoy ket kas ti Medical Assistance to Indigent and Financially Incapacitated Patients (MAIFIP), inpetteng ni Lacson a nasken a saanen a makibiang dagiti senador ken kongresista iti babaen ti panagiyisyu ti guarantee letters kadagiti maitaray iti ospital.
Inlawlawag ni Lacson nga uray ilatangan ti ₱100 billion ti Medical Assistance to Indigent and Financially Incapacitated Patients ken dagiti programa para iti salun-at ket umannugot isuna basta saan a gungundawayan ken saan a makibiang dagiti pulitiko iti implementasion.
Kimmanunong dagiti padana a senador iti majority bloc ti inpaganetgetna nga anti-epal provision iti national budget no sadinno a mapawilan dagiti puitiko iti panangipaay kadagiti ayuda.
Kunana a maikkan ti penal provision wenno pannusa dagiti pouitiko nga agbalin nga epal.
Innayonna a limitado laeng ti papel dagiti agpanpanday linteg iti panangtingiting iti budget ngem saan a ti panangipatungpal iti daytoy.
