LAOAG CITY – Inpetteng ni Senate President Pro Tempore Ping Lacson a ti pannaka-kanselar wenno panang-reprice ti P1.6 trilyon a proyekto ti Department of Public Works and Highways (DPWH) ket makatulong saan laeng a ti panangpondo kadagiti programa para iti salun-at ken edukasyon no di ket panagkissay ti utang ti pagilian.
Inbatad ni Lacson a suportado na ti lungalong ni Rep. Leandro Leviste nga ipatungpal daytoy nga addang.
Segun ken ni Leviste, ipalubos dagiti kontrata ti Department of Public Works and Highways ti pannaka-kanselar ti proyekto iti babaen ti “termination for convenience” no saanen a praktikal ti proyekto wenno “termination for unlawful acts” no adda ti mapaneknekan a
Ginutigot ni Lacson ni Department of Public Works and Highways Secretary Vince Dizon nga ikanselar ti P1 trilyon a proyekto para iti 2025 ken P600 bilyon a proyekto para iti 2026, a mapatta-patta nga agresulta iti P400 bilyon a a mainot.
Immunan nga inbutaktak ni Lacosn iti dua a privilege speech na ti panagkunniber iti likudan dagiti palpak ken ghost flood control projects, karaman ti sistematiko ken nalawag a korapsyon iti uneg ti Department of Public Works and Highways.
Inpetteng ni Lacson a tutukan na ti nailungalong a 2026 budget ti DPWH ken nagpanawagan kadagiti agpanpanday linteg ti self-restraint iti panangilungalong ti realignment, kangrunaan na dagiti locally funded infrastructure projects.
