LAOAG CITY – Dagus nga inaksyunan ti Department of Trade and Industry ti panawagan ni Sen. Francis “Tol” Tolentino a kontrolen dagiti presio ti kangrunaan a magatgatang iti baet ti nakaro a panagtikag.
Segun ken ni Department of Trade and Industry Assistant Secretary Amanda Marie Nograles, inpakaammona ken ni Tolentino a dagus a nagpaayab ti taripnong ti Department of Trade and Industry tapno kitaen iti nasao a gakat ti Senador iti babaen ti panag-freeze iti balor dagiti sumagmamano a magatgatang ken ginutigotna dagiti manufacturer tapno maala ti takderda.
Nagyaman ni Nograles ken ni Sen. Tolentino iti panangkiddaw ti price freeze kadagiti sumagmamano a magatgatang gapu ta marikna dagiti gumatgatang ti epekto ti El Niño phenomenon agingga a saan pay a naideklara ti gobierno iti state of calamity.
Inbutaktak ti Department of Trade and Industry Executive a tallo a manufacturer ti bottled water, canned goods ken frozen milk ti naki-commit iti voluntary price freeze kadagiti produktoda.
