LAOAG CITY – Naitantan iti pannaka-aprubar ti lungalong iti Sang Panlungsod ditoy ciudad ti Laoag a maipaayan ti pinansiyal a tulong dagiti babai a nagbalin a biktima ti sexual abuse ken exploitation ditoy ciudad babaen ti panagpinnirma ti Memorandum of Agreement ti City Government ken Parol Sanctuaryo Incorporated.
Daytoy ket kalpasan a naduktalan a saan pay a naipaayan ti kopya ti Memorandum of Agreement iti City Social Welfare and Development Office.
Immuna iti daytoy, indatag ti Committee on Family Welfare, Women and Children ti draft resolution a nakaipalaonan ti pannakaipaay ti 3 ribo a pisos ken voluntary amount kadagiti babbai a mairefer iti Parol Sanctuaryo Incorporated nga usaren da para iti taraon, sanitary supplies ken dadduma pay.
Innayon pay ti komite a naipalaon iti katulagan a 50% ti bayadan ti ciudad no ma-admit iti ospital ti biktima.
Ti institusyon a naestablisar iti Brgy. Calayab ditoy ciudad ti Laoag idi 2018 ket addaan ti 11 nga empleado ken iti agdama ket adda ti 17 a survivors iti poder da.
