LAOAG CITY – Im-imbestigaranen dagiti eksperto ti pannakapuor ti dati a Soviet aircraft carrier a Minsk, a kukua itan ti maysa a kompania ti China.
Napasamak ti insidente idiay Nantong, maysa a prefecture-level city iti abagatan a daya a probinsia ti Jiangsu, China.
Saan pay a masinunuo ti rason ti insidente, no inggagara wenno aksidente ken no mano ti nagastos iti pannakadadael.
Maipalagip a ginatang ti kompania ti China daytoy a barko idi 1995 tapno mausar kas theme park.
Kabayatanna, nagduduma ti operator ti barko ken nausar a pakaawisan dagiti turista.
