LAOAG CITY – Inpakaammo ni Sangguniang Panglungsod Member Atty. Jason Perera ditoy siudad ti Laoag nga adon dagiti pimmusay gapu kadagiti napaspasamak a desgrasya iti nagduduma a paset ditoy siudad.
Kuna na a gapu iti daytoy ket kaligom na a maiyalisto ti pannakaaramid ti speed humps kadagiti maibilang nga accident prone areas ditoy siudad.
Immuna iti daytoy, inbatad ni Perera a kangrunaan a makapaspasamakan kadagiti aksidente ket iti Panganiban Street a paset ti Brgy. 7-B ditoy siudad nu sadino nga addan ti pito nga indibidual dagiti pimmusay.
Mainaig iti daytoy, inpakaammo na a basar iti datos ti PNP-Traffic Division ditoy siudad ket adda ti nasurok 400 nga aksidente ti napasamak idi tawen 2022.
Mainaig iti daytoy, kuna ni Vice Mayor Carlos Fariñas nga idanon na ken ni Mayor Michael Marcos Keon ti nasao a tarigagay ti konseho tapno maipaayan ti naan-anay a pondo ken maaramid iti kabiitan a panawen.
