LAOAG CITY – Nangrugin ti pannakabakbak ti bike lane iti paset ti bypass road ditoy siudad ti Laoag.
Segun ken ni Sangguniang Panlungsod Member Bryan Alcid, daytoy nga addang ket para iti pannaipatungpal ti pannakaikabil kadagiti solar road stud iti nasao a kalsada.
Inbatadna nga umdas ti nailatang a pundo a dumanon iti 9 a milyon a pisos tapno maiplastar ken mailippas iti nasao a proyekto.
Inlawlawagna a saan pay nga inaprobaran ti Department of Transportation ti kalikagumda a disenio iti mapagbalin a bike lane iti bypass road ditoy siudad.
Maipalagip nga inpasardeng ti Sangguniang Panlungsod ditoy siudad ti Laoag ti pannakaipasdek ti bike lane gapu ta saanda a kayat ti disensio daytoy no sadino a mamatida a posible a makaitunda ti desgrasia.
