LAOAG CITY – Balligi ti pannakaibunong ti Indemnity Checks manipud ti Philippine Crops Insurance Corporation (PCIC) kadagiti mannalon ditoy siudad ti Laoag.
Segun iti lokal a gobierno ditoy siudad, dakkel ti nagbalin nga epekto dagiti naglabas a bagyo kas iti Bagyo Julian, Marce ken Kristine.
Inbtadna nga adu kadagiti pagtalunan ti nalayos ken nadadael, rason a naapektaran met dagiti apit, pakairamanan dagiti livestock a kangrunaan a pagsapulan da.
Inpakaamona a napintas daytoy a program ken serbisyo nga ipaay ti Philippine Crop Insurance Corporation.
Nupay madadael dagiti apit ken talon ken np adda dagiti nagduduma a kalamidad, ket maipasubli dagiti papuunan da babaen iti nasao a program.
Kabayatanna, agtultuloy ti panangsuporta ti lokal a gobierno kadagiti mannalon ken ti sektor ti agrikultura kas kangrunaan nga adigi ti ekonomia ti siudad.
