LAOAG CITY – Inrakurak ti Social Security System (SSS) ti contribution hike para kadagiti miembro daytoy a mangrugi ita a bulan ti Enero 2025.
Segun ken ni Social Security System Acting Head Carlo Villacorta, ti rate ti kontribusion ket ngumato ti 15% manipud iti dati a 14% daytoy ket kas paset dagiti addang ti ahensia a papigsaen ti pundo ti pension a patpatarayen ti gobierno.
Ti panangbalbaliw ket makaapektar saan laeng kadagiti employer ken empleado no di ket pakairamanan dagiti katulong, self-employed, boluntario a miembro ken dagiti land-based nga Overseas Filipino Workers (OFWs).
Iti babaen ti baro a sistema, maaddaan ti pannakabalbaliw iti Monthly Salary Credits (MSC) dagiti mangmangged ken employer iti pribado a sektor a mangikeddeng no mano ti kontribusionda iti Social Security System.
