LAOAG CITY – Pabor ni Doctor Alan Taylan, agtagikua ti maysa nga ospital ditoy ciudad ti Laoag a pabor iti pannakaipangato ti sweldo dagiti nurses ditoy pagilyan gapu ta ad-ado pay ti oras da kadagiti pasyente no ikompara kadakuada a doktor.
Nupay kasta, kuna na a masapol a kitaen ti level ti ospital.
Inbatad na a no umad-ado ti volume ti pasyente ket ad-ado ti mapastrek ti ospital.
Inpalgak pay ni Doctor Taylan a saan a mabalin a pwersaen dagiti pribado nga ospital nga ipangato agingga iti 50 ribo a pisos ti sweldo dagiti nurses.
Innayon na nga agdepende no kasanu kadakkel ti mapaspastrek ti maysa nga ospital iti maipaay a sweldo dagiti nurses.
Inpakaammo na a no dagiti pampubliko nga ospital ket nangato ti sweldo dagiti nurses ngem nakadepende latta no ania a level ti pakaibilangan ti pagpapaayan da nga ospital.
Reaksyon daytoy ni Taylan iti panangilunglungalong dagiti grupo dagiti nurses ti 50 ribo a pisos a sweldo da iti kada bolan ken ni Presidente Ferdinand “Bongbong” Marcos.
