LAOAG CITY – Kinumpirmaran ni Canadian Prime Minister Justin Trudeau a maitantan iti 30 nga aldaw ti panangipataw ti Estados Unidos ti 25 a porsiento a taripa.
Ti nasao a rakurak ket kalpasan a nakasarita ni Trudeau ni United States President Donald Trump.
Kasukat ti tariff pause ket paigetan ti Canada ti panagbantay iti border.
Inbatad ni Trudeau nga agtipon ti puersa ti suldadoda ken ti United States Joint Strike force tapno malabanan ti panagserrek ti fentanyl, money laundering ken labanan ti organized crime.
Naammoan nga adda ti pinirmaanna a baro nga intelligence directive a labanan ti organized crime ken fentanyl.
Maipalagip nga intantan ti Estados Unidos ti panangipataw ti buis idiay Mexico kalpasan nga inkarida a manayonan ti suldado nga agbantay iti border.
