LAOAG CITY – Naipakaammon ken ni United States President Joe Biden ti White House ti panangipalubos ti Hamas maipapan iti ceasefire nga inlungalong ti Egypt ken Qatar.
Segun ken ni White House National Security Spokesperson John Kirby, manarimaan ti pannakikoordinarda kadagiti kaalyadoda a pagilian no ania ti sumaruno nga addangda.
Inbatadna a mangnamnama ti Estados Unidos a saanen nga ituloy ti Israel ti planona a panangraut iti Rafah kalpasan ti panangipalubos ti Hamas.
Immuna iti daytoy, apaman a nagwaras ti damag iti panangipalubos ti Hamas iti ceasefire ket nagselebrar dagiti adu a Palestino nga adda idiay Gaza.
