LAOAG CITY – Impakaamo ni Liga ng mga Barangay President Rbee Ablan ditoy siudad ti Laoag dagiti planoda para iti natalged a pagadalan iti siudad.
Inbatadna a nagtataripnongda kadagiti Local Chief Executives, Department of Education, Punong Barangays ken chief tanod iti siudad ti Laoag para iti pannakaipatungpal ti naigiget a seguridad iti nagduduma a pagadalan iti siudad.
Segun kenkuana, planoda ti scheduled rotation dagiti barangay tanod a mapan ag roving kadagiti private ken public schools iti siudad.
Malaksid iti daytoy, planplanoenda pay ti panagusar ti metal detectors sakbay a sumrek dagiti estudiante iti pagadalan tapno maliklikan ti agilibas kadagiti maipawil a banag.
