LAOAG CITY – Maibilang a tsismis ti maipagarup nga impormasion a maysa a dati a Philippine National Police Chief ti tumulong ken ni dismissed Bamban, Tarlac Mayor Alice Guo a naglibas iti pagilian.
Inbatad ni Philippine National Police Criminal Investigation and Detection Group Chief P/Maj. Gen. Leo Francisco a nakasaritana ni Philippine Amusement and Gaming Corp. (Pagcor) Raul Villanueva ken kunana nga awan ti nadagsen nga ebidensia.
Immunan nga inbutaktak ni Villanueva a kas retirado a suldado iti Senado nga adda ti dati a Philippine National Police Chief ti umaw-awat ti suhol ken ni Guo.
Gapu iti daytoy, isardengen ti Philippine National Police ti imbestigasionda tapno duktalen no asino ti madakdakamat a Philippine National Police Chief.
