LAOAG CITY – Mamati ni Las Piñas City Representative Mark Anthony Santos a ti pannakaipasa ti Anti-Political Dynasty Bill ket maysa a napateg nga addang tapno maisubli ti panagtalek ti publiko iti Kongreso.
Inrakurak daytoy ni Santos kagiddan ti agtultuloy a pumigpgsa a panawagan nga ipawilen ti political dynasty iti pagilian.
Agtalek ti agpanpanday linteg nga ad-ado pay a kongresista ti mangsuporta iti nailungalong a gakat, aglalo ket nangrugin a nangipakita ti interest ti House leadership iti nasao nga isyu.
Kas pammaneknek ti suporta ti Kamara de representantes, dinakamat ni Santos ti datin nga inpila da House Speaker Faustino Dy III ken House Majority Leader Sandro Marcos a bukod a bersyon ti Anti-Political Dynasty Bill.
Maipalagip nga idi Hulyo, kalpasan ti panaglukat ti maika-20 a Kongreso, nagpila ni Rep. Santos ti kapada a gakat.
Mamati ti agpanpanday linteg nga uray ni Presidente Ferdinand Marcos Jr. ket mangipaay ti suporta tapno naan-anay a maipasa ti nasao a gakat iti kabiitan a panawen.
