Indagadag ti Philippine Tobacco Growers Association (PTGA) ken ti National Federation of Tobacco Farmers Association and Cooperatives (NAFTAC) iti Kamara a mangbukel iti bicameral conference committee tapno mapagsasaritaan ti naisingasing nga Anti-Agricultural Economic Sabotage Act.
Inbatad ti presidente ti Philippine Tobacco Growers Association a ni Saturnino a kasapulan ti singasing gapu ta ti sektor ti agrikultura ket agsaksanap ti panagpuslit a mangpeggad kadagiti lokal a mannalon ken minilion a agpampannuray kadakuada.
Inpalgak ni Distor a napateg ti panagtalon iti tabako iti seguridad ti taraon gapu ta agtaltalon met dagiti miembrona iti bagas, mais, ken dadduma pay a kangrunaan nga apit.
Inwaragawag ti National Tobacco Administration (NTA) nga iti agdama ket addaan ti 2.2 million a Pilipino ti “financially dependent” iti tabako, pakairamanan ti nasurok a 430,000 a mannalon ken dagiti pamiliada.
Kabayatanna, inaprobaran ti Senado ti isu met laeng a wagas a ti Senate Bill 2432, wenno ti Anti-Agricultural Economic Sabotage Act, idi Disiembre 11.
