LAOAG CITY – Posible a makadanon ti napeggad a variant a Clade Ib ti monkeypox ditoy Pilipinas kagiddan ti kumpirmasion ti Thailand.
Ti Clade 1b ti manarimaan a mangituntunda iti panagadu iti kaso ti sakit idiay central Africa rason nga ikonsiderar daytoy ti World Health Organization kas maysa a public health emergency of international concern.
Ginutigot ni Department of Health Spokesperson Albert Domingo ti publiko nga agtalinaed nga alerto iti baet a saan pay a simrek iti pagilian ti variant a mangitunda ti nakarkaro a sakit.
Maipalagip nga inrakurak ti Department of Health ti umuna a kaso ti monkeypox iti pagilian a maysa a Clade II wenno kapada a klase nga isu ti rason ti panagngato ti kaso idi 2022.
Naammoan a mangitunda daytoy ti nakapsot a klase ti sakit nga addaan ti 99.9% chance of survival.
Iti baet ti outbreak ket kaadduan kadagitoy ket adda pay laeng idiay Africa maibasar iti World Health Organization a saan a nasken nga agpakampante dagiti pagilian iti lubong.
