LAOAG CITY – Inrakurak ti Officer-In-Charge ti Philippine National Police-Forensic Group (PNP-FG) Police Col. Pierre Paul Carpio a dakkel ti posibilidad a natnag ken saan nga induron ti dati a Department of Public Works and Highways Undersecretary Catalina Cabral.
Inbatad ni Carpio, basar iti imbestigasion ket naigalis ni Cabral gapu metten kadagiti gasgas a nakita iti ima ken bagina.
Kunana a no induron ti dati nga opisial ket ad-adayo koma ti pakatnaganna ken matnag daytoy iti dakkel a bato nga asideg iti nakatnaganna.
Basar iti report ti Forensic Group, agarup 6 agingga iti 9 a kadsaaran ti nakatnagan ti bagi ti dati nga opisial manipud iti Tuba Highway.
Kabayatanna, rimmuar iti autopsy a mapattapatta a natay ni Cabral agarup alas-3 agingga iti alas-5 ti malem idi Disiembre 18 ken gapu iti blunt traumatic injuries a nangitunda ti pannakatnagna manipud iti nangato a lugar.
