LAOAG CITY – Naikali a dagus ti 10 a native a baboy iti Brgy. 22 iti ili ti San nicolas kalpasan a pimmusay dagitoy.
Segun kenni Dr. Loida Valenzuela, ti provincial veternarian ditoy probinsya, saan a naalaan ti sample dagiti pimmusay a baboy gapu ta naikali da a dagus.
Nupay kasta, inbatadna nga imonitor da dagiti taraken a baboy nga adda iti uneg ti 500 meter radius ken mangischedule da ti pannakaala ti sample dagitoy.
Iti agdama, inbaga ni Valenzuela a manarimaan ti panagimbestigar da tapno maamoan no ania ti nakatayan dagiti nasao a dingwen.
