LAOAG CITY – Inpasingked ni Police Chief Inspector Joseph Batuyong, hepe ti PNP-Vintar nga awan ti foul play ti pannakatay ti maysa a babai idiay Brgy. Parparoroc iti nasao nga ili.
Nabigbig ti biktima a ni Consolacion Espirito y Mangoma alyas cion, agtawen ti 57, residente iti nasao a lugar.
Basar ti imbestigasyon dagiti otoridad, nakita ti agnagan ti Johnric Rebondo, residente met laeng iti nasao a lugar a natayen ti nasao a biktima.
Segun ti report, ti nasao a biktima ket agsagsagaba ti mental illness ken natay gapo ti pannakamalmes na.
Inbatad ni Batuyong a tubo idiay ciudad ti Batac ti biktima ngem maipagarop nga inampon dagiti taga Vintar.
Naamoan a masansan nga aramiden ni Espirito ti agpasyar iti alas-kuarto ti parbangon kalpasan ti panagkape na.
