LAOAG CITY – Maysa a simple a cucumber salad recipe manipud iti Canadian TikTok influencer a ni Logan Moffitt ti nangitunda ti saan a ninamnama a shortage ti pipino idiay Iceland.
Ti recipe a mangitamtampok ti ginadgad a pipino, sesame oil, rice vinegar, bawang ken chili oil ket alisto a simmikat kalpasan a tuladen ken iburay kadagiti Icelandic influencers.
Gapu iti daytoy, nadoble ti panaglako ti pipino kadagiti supermarket kageddan ti pannakaibos ti dadduma pay a ramen iti recipe.
Basar iti Horticulturists’ Sales Company (SFG), ti zanjera dagiti mannalon idiay Iceland, marigatanda a makageddan iti kellaat a demand ti pipino.
Ti panagsubli iti klase kadagiti pagadalan ket nangitunda ti kanayonan a pressure iti suplay. Kas solusion, kinasapulan ti Iceland nga agangkat ti pipino idiay Netherlands.
