LAOAG CITY – Masapol nga adda ti limitasyon ti pannakikadwa dagiti jail guards kadagiti balud iti Ilocos Norte Provincial Jail.
Daytoy ti naiget a mandato ni Jail Warden Edietor Guiang kadagiti jail guards iti Ilocos Norte Provincial Jail.
Inlawlawag ni Guiang a babaen iti daytoy ket mapagtalinaed ti respeto iti tunggal maysa.
Inbalakad met ni Guiang a no adda ti agbalin a problema iti nagbabaetan dagiti balud ken jail guards ket masapol a masolbar a dagus.
Kabayatanna, inpakaammo ti jail warden a nawaya dagiti balud a makipaset kadagiti skills training nga iyus-uswat ti Technical Education And Skills Development Authority.
Innayon na nga aktibo met dagiti balud para kadagiti sports competition tapno masigurado a dagitoy ket agtalinaed a physically fit kabayatan ti kaadda da iti uneg ti pagbaludan.
