Aminado ti actor a ni Paolo Contis a maysa kadagiti kabuteng na ket no makasarak dagiti annak na ti lalaki a kas kenkuana.
Ni Paolo ket addaan ti tallo a babbai nga annak, dua iti dati a partner na a ni Lian Paz ken maysa met kenni LJ Reyes.
Nasaludsod kenni Paolo no anya ti agbalin a reaksyon na no adda ti agpakada kenkuana nga agrayo kadagiti annak na.
Segun kenni Paolo, dumteng to dayta a gundaway ken awan to ti mabalinan na ken kunana nga idi damo ket kayat na a ti ayaten to dagiti annak na ket kapadana ti ugali.
Nupay kasta, inbatad na a gapo iti naaramid na a basol kadagiti naglabas a relasyon na ket addan ti panagamak na a kas kenkuana ti ayaten dagiti annak na.
Kabayatanna, kunana nga iti tawen na a 40 ket ado dagiti nautob na iti biag nangruna dagiti basol na idi baro pay laeng daytoy.
Innayon na nga inaldaw ket agbabbabawi ken pilpiliten na ti agbaliw tapno agbalin a nasayaat nga ehemplo kadagiti annak na.
