LAOAG CITY – Nagpabuya ti agarup maysa a ribu a dachshund iti kalsada ti Regensburg para iti maysa nga engrande a parada a nagresulta iti baro a Guinness World Record.
Ti siuadad nga am-ammo a pagtaengan dagiti Dackelmuseum wenno museo ti dachshund ti nangisayangkat ti nabirngasan a kadakkelan a parada dagiti nasao nga aso.
Iti opisial a bilang ti Guinness, dumanonen iti 897 ti nakipaset ngem basar iti dadduma ket posible a dimmanon pay daytoy iti 1,175.
Ti dachshund a nabirngasan a “wiener dog” wenno “hotdog dog” gapu iti atiddog a bagina ken ababa a saka ket maysa a breed a naggapu idiay Germany.
Orihinal daytoy a pinadakkel kas para tiliw ti badger ngem saan a nagbayag ket nagbalinen a maysa a paborito a pet breed iti intero a lubong gapu iti panagbalinna a naragsak, natured ken napudno iti amona.
Basar kadagiti organizer, gagem ti parada a mangipaay ti ragsak ken positibo nga enerhia iti komunidad.
Iti kinaadu dagiti cute nga aso a nakipaset, saan a makapakigtot no apay arig nagbalin a maysa a dakkel a dog show ti parada iti siudad.
