LAOAG CITY – Inpakaammo ni Ms. Janet Retamal, ti mangidadaulo ti Population on Commission ditoy ciudad ti Laoag a dakkel a tulong iti “Parenting talk” program tapno mapatibker iti relasion iti nagbaetan iti maysa nga ina ken anak.
Inbatad na nga iti baet ti saan a panagkinaawatan wenno saan a maibaga dagiti annak dagiti problema ket daytoy iti maysa kapintasan a wagas tapno makapagsarita dagiti agina.
Kunana a dagiti ubbing ket masansan a dagiti pagayamda iti pangibagbagaan da iti personal a problema da isut gapuna a naaramid daytoy a programa tapno direkta a maibaga dagiti annak iti sangsangwenda a parikot kadagiti nagannak da.
Mainaig iti daytoy, kuna ni Retamal a ditoy ciudad ket adon dagiti natulungan da gapu iti nasao a programa .
Inpettengna nga epektibo daytoy gapu ta makita no kasano dagiti annak ken inna nga agkomunikar babaen iti panagsurat nga isunto iti ibasa iti sangwanan iti tunggal maysa .
Kabayatanna kuna ni Ms.Retamal a napintas daytoy a programa tapno saan laeng a bukbukudan dagiti annak ti problema da no diket direkta a maibaga da kadagiti inna ken ad-adda a tumibker iti relasion iti nagbaetanda.
