LAOAG CITY – Naduktalan ti maysa a grupo a Parents Against Vape Philippines (PAV PH) a sumagmamano kadagiti ubbing ket ikonkonektar da ti vape iti oxygen.
Indiskribir ni Parents Against Vape Philippines member Judy Delos Reyes a makaalarma daytoy a mapaspasamak, kagiddan ti panangipetteng na ti risgo a makita dagiti ubbing wenno agtutubo a ti vape ket banag a napateg.
Inpeksa ni Delos Reyes ti pannakaalarma na kabayatan ti Senate committee on health and demography hearing no sadinno a ti gakat ket gagem na a protehiran dagiti agtutubo manipod kadagiti risgo nga itunda ti panagsigarilyo ken panagusar ti vape.
Trinatar met ti panel dagiti nailungalong a pannakaamendar ti Republic Act No. 11900, wenno ti Vaporized Nicotine and Non-Nicotine Products Regulation Act.
Mainaig iti daytoy, inpasingked ni delos Reyes ti naan-anay a suporta da kadagiti addang a mangpatalged ti regulasyon ti tabako, vaporized nicotine, ken dadduma pay a mainaig a produkto.
