LAOAG CITY – Mariknan ti anag ti 2024 Paris Olympics.
Segun ken ni Bombo International News Correspondent Leo Brisenio, kagiddan ti umas-asideg nga sporting event iti intero a lubong ket isu met ti panag-lockdown ti central Paris nangruna kadagiti lugar ken kalsada nga asideg iti pakaiyuswatan ti ay-ayam.
Kunana a naruay dagiti kapulisan ti naiwaras tapno maipasigurado ti kinataled dagiti atleta, delegado, dagiti turista pakairamanan dagiti agbuya manipud kadagiti nagduduma nga ay-ayam ti Olympics.
Inbatadna a nangdutok metten ti gobierno ti France ti road rerouting tapno saan a maapektaran ti taray ti trapiko ken dagiti transport services.
Innayonna a maipapan iti venue ket addan iti 97% fully set ket bassit laengen a panagsagsagana ti aramidenda kas ti panangisab-it ti poster para iti Olympics.
