LAOAG CITY – Naiget ti monitoring dagiti otoridad iti Paris, France iti lugar a pakaangayan ti 2024 Paris Olympics, a mangrugi intun Hulyo 26, 2024.
Daytoy ti inpakaammu ni Bombo International News Correspondent Jojo Ballesteros idiay Paris France.
Kunana a no awan ti access pass wenno ticket ket saanen a makapan iti sumagmamano a area ti Eifel Tower gapu ta maangay ditoy ti sepak takraw ken table tennis.
Sipud pay iti napan a tawen ket narugyanen ti preparasyon iti pakaangayan ti 2024 Paris Olympics, no sadinno nga agarup 90 a porsiento a nakasaganan ti Paris iti umay nga ay-ayam.
Mainaig iti daytoy inpakaammu na pay, a no man pay makapaspasarda ti panagtudo ket mangnamnama a napinpintas tu ti sasaaden ti paniempo inton kaaldawan ti laban.
Kabayatanna, impasigurado ni Ballesteros nga adda iti natalged ken nasayaat a kasasaad ti team Pilipinas bayat ti kaadda da idiay Paris.
