LAOAG CITY – Maysa a naidumduma nga eksena ti nakaala ti atension dagiti netizens kalpasan a napagsasaritaan ti maysa a bidyu ti maysa nga ubing a lalaki idiay Foshan, China a tinulungan ti tarakenna a parrot a magabot ti ngipenna.
Iti nasao a bidyu, mabuya ti ubing nga umas-asideg ti taytayab iti bibigna. Iti napaspas a tignay, ginabot ti parrot ti nalukay a ngipen ti ubing.
Saan daytoy ti umuna a gundaway a napasamak gapu ta adda dagiti taytayab a kabaelanna dagiti naidumduma a tignay.
Naammoan a ti taytayab nga Egyptian Plover ket am-ammo a tumultulong iti panagdalos kadagiti ngipen ti buwaya.
