LAOAG CITY – Kinumpirmaran ni Dr. Rufino Cravalho, municipal veterinarian iti ili ti Bacarra nga agproblema dagiti partidor iti ili da gapo ta awan ti magatang da a baboy.
Segun kenni Cravalho, awan ti magatang dagiti maseknan a baboy iti mismo a Bacarra kasta pay dagiti kabangibang da nga ili.
Inbatad na a maipadpadanon kenkuana a dagit partidor iti nasao nga ili ket makadanon da pay iti ili ti Burgos tapno laeng agbirok ti baboy a partyen da.
Daytoy ket kalpasan pay laeng nga agkurkurang ti suplay ti baboy ken dimmanon kenkuana a mair-irwar ditoy Ilocos Norte dagiti baboy.
Gapo iti daytoy, kalikagom na a saan kuma pay laeng a maibyahe dagiti baboy tapno saan a maawanan ti suplay ti bukod tayo a probinsya.
