LAOAG CITY – Nagsagaba ti sugat ti pasahero ti tricycle apaman a naidungpar daytoy iti maysa a van iti bypass road ditoy ciudad ti Laoag.
Basar iti driver ti tricycle, aggapu isuna iti daya a direksyon agpala-od gapu ta mapan na itulnog ti pasahero na iti Barangay Lapaz no sadinno nga inpettengna a nagsardeng dagiti lugan manipud iti National Highway isu a ginundawayan na ti nagpa-od a direksyon.
Ngem segun met iti driver ti 4-wheels sabali ti kitkitan ti driver ti tricycle isu a nadungpar na ti van.
Gapu iti daytoy, nabuong ti sarming ti tricycle ken nasugatan ti pasaheros na.
Nataming met nga insigida ti biktima.
Iti agdama, mannarimaan ti panangisayangkat ti PNP-Traffic Division Laoag ti naun-uneg nga imbestigasyon.
