Balligi a naisayangkat ti Pastors and Leaders Summit 2026 iti Brgy. Pacifico iti ili ti Marcos.
Inbatad ni Bishop Led Alconga iti Philippines for Jesus Movement (PJM) President a daytoy ti maikapat a tawen nga addan ti kastoy nga aktibidad ken daytoy ti umuna a gundaway a naisayangkat ditoy probinsia ti Ilocos Norte.
Kunana a daytoy ket inatendaran ti 200 a pastors iti nagduduma a paset ditoy probinsia ken pakairaman pay ti probinsia iti Iloilo, Leyte, Antique ken dadduma pay.
Inapakammo na nga ti tema ita a tawen ket “The Gathering of Eagles.”
Innayonna a daytoy nga aktibidad ket inorganisar ni Pastor ken Sangguniang Bayan Member Telwin Tapaoan iti ili ti Marcos.
Segun kenkuana ti gagem na daytoy nga aktibidatd ket papigsaen ti pammati ti Dios babaen ti nagduduma a relihion ti Kristiano, pannakapapigsa ti panagkaykaysa dagiti pastor ken simbaan, ken daytoy ket maysa a plataporma tapno agpanawagan iti panagkaykaysa iti intero a pagilian iti panawen ti krisis
