LAOAG CITY – Inpakaammo ni Fr. Ricardo Crisostomo, iti pagilian a Panama a naistrikto dagiti otoridad bayat ti lockdown gapu ti coronavirus pandemic.
Kuna na a dua nga aldaw laeng a mabalin a makaruwar dagiti lallaki idinto a tallo nga aldaw a makarwar ket dagiti babbai.
Inlawlawag ni Fr. Crisostomo ket iti aldaw ti Martes ken Huebes a makarwar dagiti lallaki idinto a Lunes, Miyerkules, ken Biernes a makarwar dagiti babbai.
Inbatad na nga iti aldaw ti Sabado ken Domingo ket saan a mabalin a rumwar dagiti tattao, agusar ti face mask, alcohol ken dadduma pay.
Segun kenni Fr. Crisostomo, maiyarig iti Pilipinas ti sitwasyon iti Panama gapu ta pangnamnamaan dagiti marigrigat ti tulong manipud iti gobyerno.
Kuna na a nakalukat met dagiti supermarket ken parmasya iti nasao a pagilian.
Nakarekep met amin a simbaan ngem iti kada relihiyon wenni iglesia ket mangiway-wayat iti panagkararag, misa ken dadduma pay usar kadagiti social media.
Kas kenkuana a padi, ket isaysayangkat na dagitoy tapno agtultuloy a maidanun dagiti sarita ti namarsua babaen ti internet.
Kanayun nga ipoasagepsep ti obispo ti Panama a kabaelan ti pagilian a malasatan ti pandemic.
Innayon ni Fr. Crisostomo nga umabot ti 6,200 ti kaso ti covid-19, 176 dagiti pimmusay ken 484 dagiti nalaingan manipud iti nasao a virus.
Naiget nga ibilbilin ti Health Ministry iti nasao a pagilian ti panagtalinaed dagiti tattao iti uneg ti pagtaengan da.
