LAOAG CITY – Agtalek ni Presidente Ferdinand R. Marcos Jr. nga agtultuloy ti panagrang-ay ti pagilian iti sektor ti panagtrabaho, kalpasan ti pannakapirma ti Enterprise-Based Education and Training (EBET) Framework Act.
Iti ceremonial signing ti linteg, kinuna ti Presidente a daytoy ti mangpapigsa iti workforce ti Pilipinas babaen ti panangipamaysana iti upskilling ken development ti labor force ti pagilian.
Daytoy ket iti babaen ti panagaramid kadagiti framework para iti panagdur-as ti ekonomiya ti pagilian.
Panggep pay ti linteg a direkta a tamingen ti sumagmamano kadagiti isyu ti panagtrabaho iti pagilian.
Basar iti kaudian a Labor Force Survey (LFS) ti Philippine Statistics Authority (PSA), ngimmato ti employment rate ti pagilian iti 96.3% idi bulan ti Setiembre.
Ngimmatu daytoy manipud iti 95.5% idi Setiembre, 2023 a katukad ti kanayonan a 2.2 milion a Pilipino a naemploy sipud idi bulan ti Setiembre 2024.
