LAOAG CITY – Dinayaw ni Presidente Ferdinand Marcos Jr. ti Armed Forces of the Philippines (AFP) iti napateg a papel da iti panangpatalinaed ti seguridad, wayawaya ken soberanya iti pagilian iti selebrasyon ti maika-90 nga anibersaryo na iti Camp Aguinaldo.
Binigbig ni Presidente Marcos ti nasurok a 160,000 a kameng ti Armed Forces of the Philippines iti panagballigi da kontra kadagiti pangta, karamanen ti napapigsa a depensa, napalawa a cybersecurity operations, ken epektibo nga humanitarian ken disaster response.
Inpetteng na ti agtultuloy a maritime operations ti Armed Forces of the Philippines ken ti natibker a pagtaktakderan ti Pilipinas iti panangrespetar ti international law ken panangsalaknib iti teritoryo ti pagilian.
Segun ken ni Presidente Marcos, gapu iti serbisyo ti Armed Forces of the Philippines, agselebrar dagiti umili iti paskua a natalna ken natalinaay.
