LAOAG CITY – Inbatad ni National Bureau of Investigation director Jaime Santiago nga inawaten ni President Ferdinand Marcos ti irrevocable resignation na.
Segun ken ni Santiago, naipakaammo laeng kenkuana daytoy a banag ita nga aldaw.
Gapu iti daytoy, kuna na a mabalin a kadagiti sumarsaruno nga aldaw ket addan ton ti baro a mangidaulo ti National Bureau of Investigation.
Nagyaman ni Santiago kadagiti personnel ti National Bureau of Investigation iti inpaay da a suporta kenkuana kabayatan ti panagserbi na kas NBI chief, ken binalakadan na dagitoy nga itultuloy da ti napintas a trabaho da.
Maipalagip nga idi Agosto ita a tawen ket nangipasa ti resignation na kagiddan ti panangibaga na nga adda dagiti interesado iti posisyon na isut gapuna a kayatda a dadaelen ti reputasyon na.
