LAOAG CITY – Inpasigurado ni Presidente Ferdinand Marcos Jr. ti alisto a pannakaibunong dagiti tulong manipod iti gobierno para kadagiti tulong kadagiti Pilipino, aglalo kadagiti senior citizens, uray aniaman ti political affiliation da.
Rakurak daytoy ti presidente iti vlog na no sadinno a ginutigot na dagiti Pilipino nga itultuloy da nga ipeksa dagiti pakaseknan da.
Inbatad na nga usto laeng nga ipublikar da ti pakaseknan da, kagiddan ti panangibaga na nga awan ti makuna a bassit wenno dakkel nga isyu gapu ta amin dagitoy ket maibilang a problema basta padagsen iti panagbiag ti tao.
Inpasigurado ni Marcos a nakasagana da a dumngeg ken mangtratar kadagiti banag a pakaseknan dagiti umili.
Mainaig iti daytoy, inpetteng pay ti presidente a dagiti programa ti gobierno para iti pannakaipaay ti tulong kadagiti Pilipino ket saan a rumbeng nga usaren para iti interest iti pulitika.
