LAOAG CITY – Nabara a sinarabo ni Presidente Ferdinand Marcos Jr., ni Singaporean President His Excellency Tharman Shanmugaratnam nga immay bimmisita ditoy Pilipinas nga agpaot ti tallo nga aldaw.
Simmangpet ni Shanmugaratnam iti Malakangyang iti oras ti alas:4:30 ita a malem kadwa na ti asawa na a ni First Lady Jane Yumiko Ittogi Shanmugaratnam ken ti delegasyon da.
Naipaayan ti arrival honors ni President Shanmugaratnam ken kalpasan iti daytoy ket nagpirma iti guest book ti Malacañan Palace ken simmaruno ti bilateral meeting a nakatutuk ti pannakapatibker manen ti kolaborasyon ti dua a pagilian a nasurok a liman a dekada a nag-exist.
Trataren pay ti dua a lider ti nagduduma nga isyu a mangpapigsa iti bilateral ken multilateral relations iti nagbaetan ti Pilipinas ken Singapore.
Manamnama pay a pirmaan da Presidente Marcos ken President Shanmugaratnam kadagiti sumagmamano a Memoranda of Understanding (MOUs), karaman iti recruitment kadagiti Filipino healthcare workers, ken ti collaboration ti dua a pagilian iti climate change financing.
