LAOAG CITY – Nagpanawagan ni Presidente Ferdinand Marcos Jr. kadagiti Pilipino a botante nga agpili kadagiti lider nga addaan ti integridad ken kabaelan, kasta pay nga adda ti panangisakit na kadagiti umili.
Kuna na a no adda dagitoy a kababalin kadagiti mapili a botosan ket masigurado nga agkukuyog a angbukel ti Bagong Pilipinas.
Ginutigot pay ti presidente dagiti amin a registered voters nga usaren da ti karbengan da nga agbotos.
Iti babaen ti Proclamation No. 878, indeklarar ni Presidente Marcos ti May 12, 2025 wenno ita nga aldaw kas special non-working holiday tapno makipaset amin dagiti registered voters nga agbotos iti national and local elections.
Kabayatanna, inpasigurado ni Presidential Communication Office Secretary Jay Ruiz iti publiko a naiget iti pannakikoordinar dagiti nagduduma nga ahensiya ti gobyerno kadagiti stakeholders tapno masigurado nga agbalin nga honest, orderly ken peaceful ti 2025 midterm elections.
Inpaganetget ni Sec. Ruiz a dagiti mapagtalkan nga eleksyon ket napateg iti panangbukel ti maysa a digitally empowered democracy no sadinno a taktakderan ti transparency ken panagtalek.
