LAOAG CITY – Nagyamanan ti liderato ti Department of Education ni Presidente Ferdinand Marcos Jr. ken Department of Budget and Management gapu iti panangimandar na a maipangato ti sweldo dagiti empleado ti gobyerno, ken maaddaan da ti Medical Allowance.
Karaman ditoyen dagiti mangisursuro a nabayagen nga agpanpanawagan ti nayun a sweldo.
Segun ken ni Education Sec. Sonny Angara, dakkel a banag ti umento iti sweldo dagiti mangisursuro iti pampubliko a pagadalan iti pagilian.
Makaawat pay dagitoy kadagiti medical allowance nga umab-abot iti 7 ribo a pisos.
Inpasingked ni Angara nga itultuloy da ti Deprtment of Education Expanded Career Progression Program kas panangsurot iti direktiba ni Presidente Marcos tapno matulungan a mapadur-as ti panagbiag dagiti mangisursuro ken uray dagiti NonTeaching Personnel.
