LAOAG CITY – Inbatad ni President Ferdinand Marcos Jr. a kasapulan nga adalen paylaeng a naimbag ti nailungalong a P200 across the board wage hike para kadagiti mangmangged iti pribado a sektor iti pagilian.
Sungbat daytoy ni Presidente Marcos kalpasan ti panawagan a sertipikaran na kas urgent ti nasao a lungalong.
Iti maysa nga ambush interview, kuna ti presidente a ti tripartite board ti mangdeterminar no adda ti maipatungpal a panagngato ti sweldo dagiti mangmangged.
Inpetteng ti presidente a kasapulan a pagsasaritaan ken adalen daytoy dagiti maseknan nga ahensya ti gobierno.
Mainaig iti daytoy, inrakurak met ni President Maarcos a possible a maaddaan ti negatibo nga implikasyon no ipatungpal ti P200 across the board wage hike kas ti panagngato ti presyo dagiti magatgatang ken ti inflation a saan pay a naan-anay a nasolusyonan.
