LAOAG CITY – Indaulwan ni Presidente Ferdinand Marcos Jr. ti panangidaton ti sabsabong iti monumento ni Dr. Jose Rizal iti Luneta Park, Manila para iti pananglagip ti maika-129 nga anibersaryo ti Rizal Day.
Kadwa ti presidente ti pamilya na iti panagatendar ti napateg nga aktibidad.
Dinakamat na a ti biag ni Rizal ket agtultuloy a mangipapaay ti pannarabay ken pigsa kadagiti Pilipino.
Segun iti presidente, masapol a pagtalinaeden dagiti umili a sibibiag ti kinapateg dagiti inpakita ni Rizal kas ti panagayat iti pagilian,kinapudno ken ti panagbalin a natured a mangilaban ti kinapudno.
Ginugitot na dagiti agtutubo nga ipada ti patriotismo iti panagbalin a responsible nga umili.
Iti panagbitla ti presidente, inpetteng na a ti integridad ken pagsungsungbatan ket napateg a kababalin dagiti lider a namnamaen ti umili.
Kagiddan ti seremonya, naisayangkat met ti programa a “Pamaskong Handog Mula sa Pangulo” iti Rizal Park Open Air Auditorium.
Ti pananglagip a nagserbi a pammalagip kadagiti adal ni Rizal ket agtalinaed a sibibiag iti agdama.
Iti pakabuklan, nagpanawagan ni Presidente Marcos a pagbalinen nga inspirasyon ni Rizal iti agtultuloy a panangitandudo iti nalinteg ken narang-ay a kagimongan.
